Starfsfólk  |  EN  |  ISL  |    |  

Handrit frá Rögnvaldi Erlingssyni

Leikfélag Fljótsdalshéraðs hélt upp á 50 ára afmæli sitt í nóvember. Við það tækifæri fékk héraðsskjalasafnið afhent handrit að leikritinu Sunnefa og sonur ráðsmannsins.

Rögnvaldur ErlingssonLeikfélag Fljótsdalshéraðs frumsýndi leikritið Sunnefa og sonur ráðsmannsins árið 1979 eftir handriti Rögnvaldar Erlingssonar (1917-1998) sem var bóndi á Víðivöllum ytri í Fljótsdal. Magnhildur Björnsdóttir skjalavörður og tengdadóttir Rögnvaldar tók við skjölunum fyrir hönd Héraðsskjalasafnsins.

Fyrsta formlega sýning Leikfélags Fljótsdalshéraðs var Upp til selja árið 1966. Félagið var stofnað í kjölfar þess að áhugafólk sýndi Skugga-Svein við opnun félagsheimilisins Valaskjálfar 17. júní það sama ár. Héraðsskjalasafnið varðveitir leikskrár og ljósmyndir frá starfsemi leikfélagsins gegnum árin. Kristrún Jónsdóttir, Dúrra, og Arndís Þorvaldsdóttir, starfsmaður safnsins til margra ára, hafa lagt mikla vinnu í að flokka og skrá ljósmyndirnar og voru valdar myndir birtar á sögusýningu í Sláturhúsinu.

 

 

Héraðsskjalasafn AustfirðingaLaufskógum 1, 700 Egilsstaðir

Sími: 471 1417
Tölvupóstur:   heraust@heraust.is

Senda fyrirspurn

 

 

Héraðsskjalasafn Austfirðinga er byggðasamlag á vegum sveitarfélaga á Austurlandi. Safnið starfar samkvæmt lögum um opinber skjalasöfn frá árinu 2014 og er sjálfstæð skjalavörslustofnun en lítur faglegu eftirliti Þjóðskjalasafns Íslands. Megin hlutverk safnsins er að taka við skjölum og hafa eftirlit með skjalavörslu aðildarsveitarfélaga sinna og stofnana á þeirra vegum. Í safninu er ágæt aðstaða fyrir fræðiiðkanir. Öll söfnin í héraðsskjalasafninu - skjalasafnið, ljósmyndasafnið og bókasafnið - stækka ört og luma á margvíslegu efni sem nýst getur við fjölbreyttar rannsóknir, hvort sem þær eru unnar af fræðimönnum, nemum eða öðrum sem kjósa að nýta sér safnkostinn. Margs konar gögn eru í skjalasafninu, þar má t.d. leita upplýsinga um örnefni, landamerki eða um starfsemi félaga sem afhent hafa safninu skjöl sín.

© 2017 Héraðsskjalasafn Austfirðinga