Starfsfólk  |  EN  |  ISL  |    |  

Minningar um torfhús

Sýning á ljósmyndum sem franski fornleifafræðingurinn Sandra Coullenot hefur tekið vítt og breitt um Ísland af gömlum byggingum.

Á neðstu hæð Safnahússins hefur verið sett upp ný ljósmyndasýning sem ber yfirskriftina Minningar um torfhús. Á sýningunni eru 25 ljósmyndir sem Sandra hefur tekið af torfhúsum, eyðibýlum og öðrum húsum sem hafa tilvísun í torhús.

Ljósmyndirnar eru hluti af doktorsverkefni Söndru en í rannsóknum sínum skoðar hún meðal annars hvort og hvernig torfhús hafa haft áhrif á íslenska sagnahefð og notar til þess bæði aðferðir þjóðfræði og fornleifafræði.

Sandra vonast til að sýningin veki upp minningar og hugrenningar sem sýningargestir tengja við torfhús. Sérstakur minningarkassi er á sýningunni og eru gestir hvattir til að skrifa hugrenningar sínar á miða sem hægt er að stinga í kassann.

Sýningin er á neðstu hæð Safnahússins fyrir framan Héraðsskjalasafnið og mun standa fram í júní. Sýningin er sett upp í samstarfi við Minjasafn Austurlands og Gunnarsstofnun.

 

 

Héraðsskjalasafn AustfirðingaLaufskógum 1, 700 Egilsstaðir

Sími: 471 1417
Tölvupóstur:   heraust@heraust.is

Senda fyrirspurn

 

 

Héraðsskjalasafn Austfirðinga er byggðasamlag á vegum sveitarfélaga á Austurlandi. Safnið starfar samkvæmt lögum um opinber skjalasöfn frá árinu 2014 og er sjálfstæð skjalavörslustofnun en lítur faglegu eftirliti Þjóðskjalasafns Íslands. Megin hlutverk safnsins er að taka við skjölum og hafa eftirlit með skjalavörslu aðildarsveitarfélaga sinna og stofnana á þeirra vegum. Í safninu er ágæt aðstaða fyrir fræðiiðkanir. Öll söfnin í héraðsskjalasafninu - skjalasafnið, ljósmyndasafnið og bókasafnið - stækka ört og luma á margvíslegu efni sem nýst getur við fjölbreyttar rannsóknir, hvort sem þær eru unnar af fræðimönnum, nemum eða öðrum sem kjósa að nýta sér safnkostinn. Margs konar gögn eru í skjalasafninu, þar má t.d. leita upplýsinga um örnefni, landamerki eða um starfsemi félaga sem afhent hafa safninu skjöl sín.

© 2017 Héraðsskjalasafn Austfirðinga