Starfsfólk  |  EN  |  ISL  |    |  

Opið hús og afmælisfagnaður

40 ár frá stofnun Héraðsskjalasafns, Bókasafn Héraðsbúa 60 ára og 20 ár síðan Safnahúsið var opnað.

Um 100 manns lögðu leið sína í Safnahúsið á sumardaginn fyrsta 21. apríl en þá stóðu söfnin þrjú fyrir afmælisfagnaði og opnu húsi. Tilefni hátíðahaldanna var að árið 2016 voru 60 ár liðin frá stofnun Bókasafns Hérðsbúa, 40 ár frá stofnun Héraðsskjalasafns Austfirðinga og 20 ár frá því að Safnahúsið var formlega opnað. Flutt voru ávörp, stúlknakórinn Liljurnar tóku lagið og gestum var boðið að þiggja veitingar, skoða sýningar og kynna sér starfsemi safnanna.

Kristrún Jónsdóttir (Dúrra), sem starfaði á Bókasafninu um árabil, sagði frá flutningum milli húsa í bænum og bókum sem alltaf týndust. Steinunn Kristjánsdóttir, fyrsti safnstjóri Minjasafnsins, lýsti flutningi safngripa úr geymslum í ný húsakynni í Safnahúsinu og starfseminni fyrstu árin. Þá sagði Arndís Þorvaldsdóttir skemmtilegar sögur úr starfi Héraðsskjalasafnsins.

Héraðsskjalasafn Austfirðinga 1976-2016 - Ágrip af 40 ára sögu - grein eftir Hrafnkel Lárusson

Héraðsskjalasafn AustfirðingaLaufskógum 1, 700 Egilsstaðir

Sími: 471 1417
Tölvupóstur:   heraust@heraust.is

Senda fyrirspurn

Héraðsskjalasafn Austfirðinga er byggðasamlag á vegum sveitarfélaga á Austurlandi. Safnið starfar samkvæmt lögum um opinber skjalasöfn frá árinu 2014 og er sjálfstæð skjalavörslustofnun en lítur faglegu eftirliti Þjóðskjalasafns Íslands. Megin hlutverk safnsins er að taka við skjölum og hafa eftirlit með skjalavörslu aðildarsveitarfélaga sinna og stofnana á þeirra vegum. Í safninu er ágæt aðstaða fyrir fræðiiðkanir. Öll söfnin í héraðsskjalasafninu - skjalasafnið, ljósmyndasafnið og bókasafnið - stækka ört og luma á margvíslegu efni sem nýst getur við fjölbreyttar rannsóknir, hvort sem þær eru unnar af fræðimönnum, nemum eða öðrum sem kjósa að nýta sér safnkostinn. Margs konar gögn eru í skjalasafninu, þar má t.d. leita upplýsinga um örnefni, landamerki eða um starfsemi félaga sem afhent hafa safninu skjöl sín.

© 2017 Héraðsskjalasafn Austfirðinga