Starfsfólk  |  EN  |  ISL  |    |  

Aðalfundur 2014

Fundurinn var haldinn í Löngubúð á Djúpavogi fimmtudaginn 6. nóvember. Auk hefðbundinna aðalfundarstarfa voru gerðar breytingar á stofnsamningi byggðasamlagsins. Björn Hafþór Guðmundsson tók sæti í stjórn safnsins.

Ólafur Valgeirsson formaður flutti skýrslu stjórnar en auk hans voru Pétur Sörensson og Ragnhildur Indriðadóttir í stjórn. Bára Stefánsdóttir forstöðumaður fór yfir ársreikning fyrir árið 2013 og fjárhagsáætlun 2015 sem var samþykkt af fulltrúm aðildarsveitarfélaganna.

Óverulegar breytingur voru gerðar á stofnsamningi byggðasamlagsins vegna nýrra laga um opinber skjalasöfn nr. 77/2014 sem fella úr gildi lög um Þjóðskjalasafn Íslands nr. 66/1985 sem áður var vísað til í stofnsamningi Héraðsskjalasafnsins.

Ný stjórn var kosin á aðalfundi SSA – Sambands sveitarfélaga á Austurlandi 20. september:
Fyrir Fljótsdalshérað, Fljótsdalshrepp og Borgarfjarðarhrepp: Ragnhildur Rós Indriðadóttir aðalmaður, Þórður Mar Þorsteinsson til vara.
Fyrir Fjarðabyggð: Björn Hafþór Guðmundsson aðalmaður, Elvar Jónsson til vara.
Fyrir Djúpavogshrepp, Breiðdalshrepp, Seyðisfjarðarkaupstað og Vopnafjarðarhrepp: Ólafur B. Valgeirsson aðalmaður, Þorbjörg Sandholt til vara.

Björn Hafþór tók sæti Péturs Sörenssonar í stjórn Héraðsskjalasafns Austfirðinga eftir aðalfundinn. 

Hér má nálgast fundargerð aðalfundar.

Héraðsskjalasafn AustfirðingaLaufskógum 1, 700 Egilsstaðir

Sími: 471 1417
Tölvupóstur:   heraust@heraust.is

Senda fyrirspurn

 

 

Héraðsskjalasafn Austfirðinga er byggðasamlag á vegum sveitarfélaga á Austurlandi. Safnið starfar samkvæmt lögum um opinber skjalasöfn frá árinu 2014 og er sjálfstæð skjalavörslustofnun en lítur faglegu eftirliti Þjóðskjalasafns Íslands. Megin hlutverk safnsins er að taka við skjölum og hafa eftirlit með skjalavörslu aðildarsveitarfélaga sinna og stofnana á þeirra vegum. Í safninu er ágæt aðstaða fyrir fræðiiðkanir. Öll söfnin í héraðsskjalasafninu - skjalasafnið, ljósmyndasafnið og bókasafnið - stækka ört og luma á margvíslegu efni sem nýst getur við fjölbreyttar rannsóknir, hvort sem þær eru unnar af fræðimönnum, nemum eða öðrum sem kjósa að nýta sér safnkostinn. Margs konar gögn eru í skjalasafninu, þar má t.d. leita upplýsinga um örnefni, landamerki eða um starfsemi félaga sem afhent hafa safninu skjöl sín.

© 2017 Héraðsskjalasafn Austfirðinga