Starfsfólk  |  EN  |  ISL  |    |  

Ljósmyndaverkefni - Áfangaskýrsla 2013

Héraðsskjalasafn Austfirðinga hefur fengið áframhaldandi styrk á fjárlögum vegna verkefnis um skönnun og skráningu ljósmynda. Á árinu 2013 voru skannaðar 15.340 myndir og 11.691 þeirra mynda voru skráðar

Í byrjun árs 2011 hófst hjá Héraðsskjalasafninu verkefni við skönnun og skráningu ljósmynda. Verkefnið er samstarfsverkefni þriggja héraðsskjalasafna og hefur meginhluti fjárveitingar til þess komið af fjárlögum íslenska ríkisns. Við fjárlagagerð ársins 2014 fékkst framhaldsfjárveiting til verkefnsins sem er því að hefja sitt fjórða starfsár.

Á árinu 2013 voru skannaðar 15.340 myndir og 11.691 þeirra mynda voru skráðar. Samtals er búið að skanna 58.368 myndir og skrá 52.733 myndir frá árinu 2011. Tæknileg vandamál urðu til þess að ekki var unnt að opna tilraunaútgáfa af ljósmyndavef fyrr en í desember 2013. Stefnt er að því að ljósmyndavefurinn verði opnaður formlega sumar. Sá viðburður mun verða kynntur nánar þegar þar að kemur.

Þrír starfsmenn vinna að verkefninu. Jóhanna Ingibjörg Sveindóttir og Ólöf Sæunn Valgarðsdóttir voru endurráðnar í upphafi árs. Magnhildur Björnsdóttir sinnir einnig ljósmyndaverkefninu samhliða öðrum störfum sínum fyrir Héraðsskjalasafnið. 

Í september á liðnu ári var stöðuskýrslu um verkefnið skilað til Mennta- og menningarmálaráðuneytis og Þjóðskjalasafns Íslands:
  Ljósmyndaverkefni - áfangaskýrsla 2013. Héraðsskjalasafn Austfirðinga, Héraðsskjalasafn Árnesinga, Héraðsskjalasafn Skagfirðinga (pdf-skjal).

Héraðsskjalasafn AustfirðingaLaufskógum 1, 700 Egilsstaðir

Sími: 471 1417
Tölvupóstur:   heraust@heraust.is

Senda fyrirspurn

 

 

Héraðsskjalasafn Austfirðinga er byggðasamlag á vegum sveitarfélaga á Austurlandi. Safnið starfar samkvæmt lögum um opinber skjalasöfn frá árinu 2014 og er sjálfstæð skjalavörslustofnun en lítur faglegu eftirliti Þjóðskjalasafns Íslands. Megin hlutverk safnsins er að taka við skjölum og hafa eftirlit með skjalavörslu aðildarsveitarfélaga sinna og stofnana á þeirra vegum. Í safninu er ágæt aðstaða fyrir fræðiiðkanir. Öll söfnin í héraðsskjalasafninu - skjalasafnið, ljósmyndasafnið og bókasafnið - stækka ört og luma á margvíslegu efni sem nýst getur við fjölbreyttar rannsóknir, hvort sem þær eru unnar af fræðimönnum, nemum eða öðrum sem kjósa að nýta sér safnkostinn. Margs konar gögn eru í skjalasafninu, þar má t.d. leita upplýsinga um örnefni, landamerki eða um starfsemi félaga sem afhent hafa safninu skjöl sín.

© 2017 Héraðsskjalasafn Austfirðinga