Starfsfólk  |  EN  |  ISL  |    |  

Ráðstefna skjalavarða í Kópavogi

Dagana 23. og 24. september tók Héraðsskjalasafn Kópavogs á móti fulltrúum systurstofnana sinna af öllu landinu á ráðstefnu sem haldin var í stúkunni við Kópavogsvöllinn.

Bára og Magnhildur sátu ráðstefnuna á vegum Félags héraðsskjalavarða. Ráðstefnan var haldin í Kópavogi og hana sóttu skjalaverður af öllu landinu. Á ráðstefnunni voru málstofur þar sem tekið var á ýmsum þáttum í daglegu starfi safnanna. Má þar nefna staðlaða skráningu skjalasafna og reglur um aðgengi að þeim, nýlegar útgáfur skjalasafna, samstarf við sögufélög og sameiginleg átök héraðsskjalasafnanna um söfnun skjala. Þetta er þriðja ráðstefnan sem félagið heldur, árið 2011 var hún í Reykjavík og í fyrra á Akureyri. Hún er vettvangur fyrir starfsmenn skjalasafnanna að kynnast og efla samstarf sín á milli sem og að árétta mikilvægi starfs þeirra fyrir sveitarfélögin, bæði hið stjórnsýslulega hlutverk safnanna sem snýr að varðveislu skjallegra gjörninga sveitarfélaganna og veitingu aðgengis að þeim og hið menningarlega hlutverk sem snýr að eflingu á þekkingu á sögu umdæma héraðsskjalasafnanna. Félag héraðsskjalavarða á Íslandi heldur úti öflugum vef á slóðinni heradsskjalasafn.is.

Héraðsskjalasafn AustfirðingaLaufskógum 1, 700 Egilsstaðir

Sími: 471 1417
Tölvupóstur:   heraust@heraust.is

Senda fyrirspurn

 

 

Héraðsskjalasafn Austfirðinga er byggðasamlag á vegum sveitarfélaga á Austurlandi. Safnið starfar samkvæmt lögum um opinber skjalasöfn frá árinu 2014 og er sjálfstæð skjalavörslustofnun en lítur faglegu eftirliti Þjóðskjalasafns Íslands. Megin hlutverk safnsins er að taka við skjölum og hafa eftirlit með skjalavörslu aðildarsveitarfélaga sinna og stofnana á þeirra vegum. Í safninu er ágæt aðstaða fyrir fræðiiðkanir. Öll söfnin í héraðsskjalasafninu - skjalasafnið, ljósmyndasafnið og bókasafnið - stækka ört og luma á margvíslegu efni sem nýst getur við fjölbreyttar rannsóknir, hvort sem þær eru unnar af fræðimönnum, nemum eða öðrum sem kjósa að nýta sér safnkostinn. Margs konar gögn eru í skjalasafninu, þar má t.d. leita upplýsinga um örnefni, landamerki eða um starfsemi félaga sem afhent hafa safninu skjöl sín.

© 2017 Héraðsskjalasafn Austfirðinga