Starfsfólk  |  EN  |  ISL  |    |  

Það er kominn vorhugur í starfskonur Héraðsskjalasafnsins. Í vefsýningu safnsins að þessu sinni má sjá íþróttamyndir frá ýmsum tímum. Myndirnar koma úr ýmsum söfnum, meðal annars ljósmyndasafni UÍA.

Héraðsskjalasafn Austfirðinga, Minjasafn Austurlands og Menningarmiðstöð Fljótsdalshéraðs opna sýningu um Jón A. Stefánsson frá Möðrudal á fjöllum. Sýningin opnar föstudaginn 17. júní klukkan 16:00.

Héraðsskjalasafn Austfirðinga og Þjóðskjalasafn Íslands standa fyrir dagsnámskeiði um skjalastjórn og skjalavörslu föstudaginn 1. apríl. Námskeiðið er ætlað starfsfólki sveitarfélaga og ríkisstofanana á Austurlandi.

Unnið er að uppfærslu á ljósmyndavefnum. Verkið er tímafrekt og vefurinn verður ekki að fullu tilbúinn til notkunar næstu daga.

Á kvenréttindadaginn, föstudaginn 19. júní, stendur Soroptimistaklúbbur Austurlands fyrir prjónagöngu í samstarfi við Safnahúsið. Héraðsskjalasafnið sýnir ýmis skjöl og ljósmyndir frá lífi og starfi kvenna á Austurlandi.

Hélt mamma dagbók? Var amma skúffuskáld? Eru bréf langömmu í geymslunni? Héraðsskjalasafnið tekur þátt í þjóðarátaki um söfnun á skjölum kvenna. Eru bréf, dagbækur eða ljósmyndir í þínum fórum?

Í tilefni af 100 ára afmæli kosningaréttar kvenna á Íslandi verður sýning um austfirska kvenljósmyndara framlengd fram á haust.

Bókavakan – Austfirsk útgáfa í öndvegi verður haldin í Safnahúsinu á Egilsstöðum fimmtudaginn 11. desember kl. 17:00-19:00. Kynntar verða nýútgefnar austfirskar bækur, lesið úr þeim og sagt frá útgáfu þeirra.

Föstudaginn 24. október kl. 16 verður opnuð ljósmyndasýning í anddyri Héraðsskjalasafns. Sýningin fjallar um ævi og störf fjórtán kvenna sem lærðu ljósmyndun og störfuðu á ljósmyndastofum á Austurlandi árin 1871-1944.

Í lögunum eru skýrari skilgreiningar á hverjir eru afhendingarskyldir aðilar og hverjar eru skyldur þeirra varðandi skjalavörslu og skjalastjórn. Þar er einnig fjallað um rétt almennings til aðgangs að skjölum í opinberum skjalasöfnum.

Komu lyftunnar í Safnahúsið verður fagnað formlega með kaffi, köku, ræðuhöldum og söng á Bókasafni Héraðsbúa fimmtudaginn 3. apríl kl. 17:00. Í tilefni dagsins verður Héraðsskjalasafnið opið til kl. 18.

Austfirsk útgáfa verður í öndvegi á bókavöku í safnahúsi sem hefst kl. 17 fimmtudaginn 5. desember. Nokkur ljóðskáld mæta og lesa úr bókum sínum en aðrir lesarar sjá um þá sem sjá sér ekki fært að mæta.

Minjasafn Austurlands opnar sumarsýningar sínar mánudaginn 17. júní kl. 13. Á 1. hæð er ljósmyndasýning Sólveigar Björnsdóttur í Laufási af nátttröllum í Hjaltastaðarþinghá og víðar.

Síðasti opnunardagur Héraðsskjalasafnsins á þessu ári er föstudagurinn 21. desember nk. Lokað verður milli jóla og nýárs. Safnið opnar aftur á nýju ári miðvikudaginn 2. janúar.

Árleg Bókavaka Safnahússins verður haldin fimmtudaginn 29. nóvember og hefst hún kl. 17:00. Að venju verður áherslan á austfirska útgáfu og bækur eftir höfundar sem búsettir eru í fjórðungnum. Eftirtaldir höfundar munu lesa úr verkum sínum: Steinunn Kristjánsdóttir (Sagan af klaustrinu á Skriðu), Vilhjálmur Hjálmarsson (Glettur og gamanmál), Unnur Birna Karlsdóttir (Það kemur alltaf nýr dagur), Helgi Hallgrímsson (Leiðarljós. Minningarrit um Laufeyju Ólafsdóttur) og Sigrún Björgvinsdóttir (Handan við ljóshraðann).

Dagar myrkurs verða haldnir á Austurlandi dagana 1.-11. nóvember nk. Framlag Safnahússins til þessa viðburðar verður myndasýning sem ber yfirskriftina Þekkir þú myndina?  Myndirnar á sýningunni (sem er í powerpoint-formi) eru frá ýmsum tímum en hluti þeirra sýnir óþekkt fólk og/eða staði. Gestum mun gefast færi á að koma á framfæri upplýsingum um myndirnar. Sýningin verður mánudagskvöldið 5. nóvember í Hlymsdölum (Miðvangi 6 á Egilsstöðum) og hefst hún kl. 20.30. Aðgangur er ókeypis og allir velkomnir.

 

 

Sýningarferðin Austfirsk menning í ljósmyndum heldur áfram, en markmið verkefnisins er að fara með sérsniðnar myndasýningar til byggðarlaga á starfssvæði safnsins. Næstkomandi miðvikudagskvöld (10. október ) verður sýning í Fjarðarborg á Borgarfirði og kvöldið eftir (11. október) verður sýning í Végarði í Fljótsdal. Báðar sýningarnar hefjast kl. 20:00.

Við úthlutun styrkja Menningarráðs Austurlands fyrr á þessu ári fékk Héraðsskjalasafn Austfirðinga fjárstyrk til verkefnisins Austfirsk menning í ljósmyndum. Markmið verkefnisins er að fara með sérsniðnar ljósmyndasýningar til byggðarlaga á starfssvæði safnsins. Nú er komið að Breiðdal og Stöðvarfirði. Miðvikudagskvöldið 3. október verður sýning í Kaupfjelaginu á Breiðdalsvík og hefst hún kl. 20:00.

Í þessari sumarsýningu, hér á heimasíðu Héraðsskjalasafns Austfirðinga, kennir ýmissra grasa og eru myndirnar, sem teknar eru á árabilinu 1950-2000, komnar víða að. Nokkrar eru úr stærri söfnum sem hér eru til varðveislu, þ.e. safni vikublaðsins Austra og söfnum blaðamannanna Önnu Ingólfsdóttur og Sigurðar Aðalsteinssonar. Aðrar koma úr einkasöfnum sem Ljósmyndasafnið hefur fengið til varðveislu.

Héraðsskjalasafn AustfirðingaLaufskógum 1, 700 Egilsstaðir

Sími: 471 1417
Tölvupóstur:   heraust@heraust.is

Senda fyrirspurn

 

 

Héraðsskjalasafn Austfirðinga er byggðasamlag á vegum sveitarfélaga á Austurlandi. Safnið starfar samkvæmt lögum um opinber skjalasöfn frá árinu 2014 og er sjálfstæð skjalavörslustofnun en lítur faglegu eftirliti Þjóðskjalasafns Íslands. Megin hlutverk safnsins er að taka við skjölum og hafa eftirlit með skjalavörslu aðildarsveitarfélaga sinna og stofnana á þeirra vegum. Í safninu er ágæt aðstaða fyrir fræðiiðkanir. Öll söfnin í héraðsskjalasafninu - skjalasafnið, ljósmyndasafnið og bókasafnið - stækka ört og luma á margvíslegu efni sem nýst getur við fjölbreyttar rannsóknir, hvort sem þær eru unnar af fræðimönnum, nemum eða öðrum sem kjósa að nýta sér safnkostinn. Margs konar gögn eru í skjalasafninu, þar má t.d. leita upplýsinga um örnefni, landamerki eða um starfsemi félaga sem afhent hafa safninu skjöl sín.

© 2017 Héraðsskjalasafn Austfirðinga