Starfsfólk  |  EN  |  ISL  |    |  

Bókavaka í safnahúsi

Austfirsk útgáfa verður í öndvegi á bókavöku í safnahúsi sem hefst kl. 17 fimmtudaginn 5. desember. Nokkur ljóðskáld mæta og lesa úr bókum sínum en aðrir lesarar sjá um þá sem sjá sér ekki fært að mæta.

Útgáfa ársins er gróskumikil, að minnsta kosti sjö ljóðskáld hafa sent frá sér nýja ljóðabók. Ragnar Ingi Aðalsteinsson hefur gefið út bók um íslenska bragfræði. Þá er komð út ritsafn með verkum Erlu, Guðfinnu Þorsteinsdóttur á vegum Félags ljóðaunnenda á Austurlandi, Jón Kristjánsson hefur sent frá sér 100 ára sögu Kaupfélags Héraðsbúa, Sigríður Lára Sigurjónsdóttir þýðingu á öðru bindi af óstyttri sögunni um Önnu í Grænuhlíð og Ingunn V. Sigmarsdóttir hefur gefið út gráglettna sögu um íbúa og starfsfólk á elliheimili.

Hallveig Guðjónsdóttir og Vilhjálmur Hjálmarsson hafa bæði sent frá sér bækur með endurminningabrotum og loks er komið út ritið Skriðdæla, sem hefur m.a. að geyma ábúendatal, sveitarlýsingar, örnefni og sögur af mönnum og málefnum fram til ársins 1990. Nokkur ljóðskáld mæta og lesa sjálf úr bókum sínum en aðrir lesarar sjá um þá sem lengra eru að komnir eða sáu sér ekki fært að mæta.

Kynnir er Arndís Þorvaldsdóttir.

Aðgangur ókeypis, kaffi á könnunni og allir velkomnir.

Héraðsskjalasafn AustfirðingaLaufskógum 1, 700 Egilsstaðir

Sími: 471 1417
Tölvupóstur:   heraust@heraust.is

Senda fyrirspurn

 

 

Héraðsskjalasafn Austfirðinga er byggðasamlag á vegum sveitarfélaga á Austurlandi. Safnið starfar samkvæmt lögum um opinber skjalasöfn frá árinu 2014 og er sjálfstæð skjalavörslustofnun en lítur faglegu eftirliti Þjóðskjalasafns Íslands. Megin hlutverk safnsins er að taka við skjölum og hafa eftirlit með skjalavörslu aðildarsveitarfélaga sinna og stofnana á þeirra vegum. Í safninu er ágæt aðstaða fyrir fræðiiðkanir. Öll söfnin í héraðsskjalasafninu - skjalasafnið, ljósmyndasafnið og bókasafnið - stækka ört og luma á margvíslegu efni sem nýst getur við fjölbreyttar rannsóknir, hvort sem þær eru unnar af fræðimönnum, nemum eða öðrum sem kjósa að nýta sér safnkostinn. Margs konar gögn eru í skjalasafninu, þar má t.d. leita upplýsinga um örnefni, landamerki eða um starfsemi félaga sem afhent hafa safninu skjöl sín.

© 2017 Héraðsskjalasafn Austfirðinga