Frá skólaferðalagi Egilsstaðaskóla í byrjun 8. áratugarins (?). Frá vinstri: Sigfús Kristinsson bifreiðarstjóri(?), hjónin Elísabet Svavarsdóttir og Ólafur Guðmundsson skólastjóri, Helgi Halldórsson kennari, óþekktur karlmaður, Berta Túliníus kennari, óþekktur karlmaður.

Gestkvæmt á tjaldstæði á Borgarfirði eystra. Yfir vaka Dyrfjöll.

Á djasstónleikum í Valaskjálf. Talið frá vinstri: Vopnfirðingarnir Jóhann Róbertsson og Kristján Magnússon. Þriðji maður er Jörundur Ragnarsson.

Stjórn Kaupfélags Héraðsbúa fundar á Borgarfirði. Upp á veggnum standa (talið frá vinstri): Steinþór Magnússon, Ingimar Sveinsson, Hrafnkell Björgvinsson, Þorsteinn Sveinsson, Aðalsteinn Jónsson, Bragi Hallgrímsson. Fyrir neðan vegginn standa (talið frá vinstri): Sigursteinn Jóhannsson, Jón Júlíusson og Sigurður Baldursson.

Smábátar við hafnarbakkann á Borgarfirði, í baksýn Geitfell og Svartfell.

Tveir á tali. Frá vinstri: Steinþór Magnússon stjórnarmaður KHB og Arngrímur Magnússon útibússtjóri KHB á Borgarfirði.

Beinakerling á Smjörvatnsheiði. Kannski sú sem Árni í Múla skaut að vísunni:

En sá heiðar andskoti
ekki strá né kvikindi
en hundrað milljón helvíti
af hnullungum og stórgrýti.

Málin rædd yfir kaffibolla. Frá vinstri: Eiríkur Eiríksson frá Dagverðargerði, Þráinn Jónsson veitingamaður, Helgi Gíslason, nú framkvæmdastjóri Skógræktarfélags Reykjavíkur, Jónas Einarsson afgreiðslumaður á Egilsstaðaflugvelli og Þórarinn Pálsson framkvæmdastjóri Plastiðjunnar Yls.

Þrír peyjar á stuttbuxum. Aftan á myndinni sem tekin er á Seyðisfirði standa nöfnin Jói, Sveinn og Ingvi. Full nöfn peyjanna eru óþekkt.

Á hreindýraveiðum á Vesturöræfum. Seyðfirðingurinn Jóhann Hansson hefur fellt myndarlegan tarf.

Konungur öræfanna falinn í valinn. Veiðimaðurinn er Jónas Jóhannsson á Egilsstöðum.

Sex prúðbúnar húsfreyjur úr Helgustaðahreppi á ferðalagi á Laugum sumarið 1953. Frá vinstri: Steinunn Jónsdóttir, Ólöf Stefánsdóttir, Guðný Stefánsdóttir, Eygerður Beck, Jónína Jónsdóttir, Sigurborg Sæmundsdóttir.

Myndin sýnir unga heimasætu á Eskifirði, Hildi Valdimarsdóttu. Klæðnaðurinn er dæmigerður fyrir unga telpu um miðja síðustu öld.

Elín Hrönn Jónsdóttir á Eskifirði leiðir litla bróður sinn, Þorstein Snorra Jónsson.

Þrír sjómenn frá Eskifirði. Frá vinstri: Kristinn Karlsson, Kjartan Björgvinsson og Aðalsteinn Valdimarsson.

Síldarævintýrið á Seyðisfirði í fullum gangi snemma á 7. áratug 20. aldar. Mennirnir eru óþekktir.

Síldarsöltun á Seyðisfirði snemma á 7. áratug 20. aldar. Við bryggjuna bíða bátar löndunar. Handan fjarðar sést til Vestdalseyrar og Vestdals.

Síldarsöltun hjá Ströndinni á Seyðisfirði. Lokið hefur verið við að salta í tunnu númer tuttugu þúsund og eitt. Síldarstúlkurnar fagna. Sumar eru með rúllur í hárinu. Líklega var slegið upp balli um kvöldið.

Kristmundur Bjarnason við vinnu sína í skyrgerðinni hjá Mjólkurstöð KHB. Í dyrum sést í bakið á Steinþóri Magnússyni.

Guðmundur R. Jóhannsson tók margar skemmtilegar andlitsmyndir af Héraðsbúum snemma á 7. áratug 20. aldar, þegar hann vann hjá Kaupfélagi Héraðsbúa. Hér gefur að líta Jóhann Stefánsson, trésmið frá Merki á Jökuldal, sem betur er þekktur sem Jói snikk.

Hans Vollertsen var kennari á Alþýðuskólanum á Eiðum um skeið og tók þá myndir af nemendum til að birta í Árbókinni. Hér gefur að líta skólapiltinn Svein Ara Guðjónsson frá Breiðdalsvík. Myndin er frá árinu 1984.

Hátíðargestir á 17. júní samkomu á Vilhjálmsvelli á Egilsstöðum á aldamótaárinu 2000. Frá vinstri: Magnús Sigurðsson, Jóhanna Illugadóttir, Sveinn Jónsson. Aftar sitja Sigurborg Gísladóttir, Ingólfur Arnarson og systurnar Fjóla og Ingibjörg Kristjánsdætur. Fremst til hægri er Soffía Ingvarsdóttir.

Ólafur Ragnar Grímsson forseti Íslands og Sigfús Árnason, slökkviliðsstjóri og frumbyggi í Egilsstaðaþorpi, ræðast við á 60 ára afmæli Egilsstaða sumarið 1997.

Stefanía Eyjólfsdóttir á Eskifirði í fermingarkjól. Myndin er tekin árið 1953. Þá fermdust stúlkur enn í síðum hvítum kjólum sem fermingarkyrtlarnir leystu síðar af hólmi.

Systurnar Ingileif Sveina og Halldóra Andrésdætur frá Fagradal í Vopnafirði. Myndin er tekin í kringum miðja 6. áratug 20. aldar.

Tveir á tali. Stefán Pálsson málari á Egilstöðum og Þorsteinn Snædal bóndi á Skjöldólfsstöðum.

Þrjár hressar konur af Héraði á skemmtun í Brúarási árið 1997. Björk Sigbjörnsdóttir, Ásgerður Felixdóttir og Birna Sigbjörnsdóttir stilla sér upp fyrir myndatöku.

Keppendur um titilinn Ungfrú Austurland 1997. Fremri röð: Sandra Ösp Valdimarsdóttir Egilsstöðum og Guðlaug Kristinsdóttir Eskifirði. Aftari röð: Elín Skúladóttir Neskaupstað, Bryndís Jónsdóttir Höfn, Ingibjörg Dögg Kjartansdóttir Egilsstöðum og Þorgerður Þórðardóttir Vopnafirði.