Starfsfólk  |  EN  |  ISL  |    |  

Stjórnarfundur 18.2.2016

Stjórnarfundur Héraðsskjalasafns Austfirðinga 18. febrúar 2016
Fundurinn var símafundur og hófst hann kl. 12:15.

Mætt voru: Ólafur Valgeirsson, Ragnhildur Rós Indriðadóttir, Björn Hafþór Guðmundsson og
Bára Stefánsdóttir. Ólafur stjórnaði fundi og Bára ritaði fundargerð.

Dagskrá:
1.    Aukin rekstrarframlög 2016
Fyrir fundinum lá beiðni um aukin rekstrarframlög árið 2016 vegna ófyrirséðra launahækkana. 
Í fjárhagsáætlun sem var samþykkt á aðalfundi 2015 var gert ráð fyrir 5% launahækkunum. 
Nýr kjarasamningur milli sveitarfélaga og FOSA um 5,5% hækkun og yfirstandandi kjaraviðræður launanefndar sveitarfélaga við BHM sýna að launahækkanir voru vanáætlaðar. 
Forstöðumaður áætlar að laun og launatengd gjöld hækki um 1,5 millj. miðað við fyrri áætlun en kjarasamningur við BHM rann út 31.8.2015. Resktrarframlög þurfi því að hækka úr 20 millj. í 22 millj. að teknu tilliti til framlags til bókasafns Halldórs og Önnu Guðnýjar og frádrætti Fjarðabyggðar vegna Mynda- og skjalasafns Norðfjarðar.

Stjórn samþykkir að senda uppfærða fjárhagsáætlun og skiptingu rekstrarframlaga til aðildarsveitarfélaganna ásamt beiðni um hærri framlög á árinu 2016.

2.    Önnur mál
Beiðni stjórnar frá því í desember 2015, um nánari sundurliðun á fjárhæðum sem hafa farið í viðhald á Safnahúsi, hefur verið ítrekuð við Björn Ingimarsson bæjarstjóra Fljótsdalshéraðs. Málið mun dragast lengur þar sem umsjónarmaður fasteigna er fjarverandi vegna veikinda.

Fleira var ekki tekið fyrir og fundi slitið um kl. 12:45.

Ólafur B. Valgeirsson [sign]        
Ragnhildur Rós Indriðadóttir [sign]
Björn Hafþór Guðmundsson [sign]
Bára Stefánsdóttir [sign]

Héraðsskjalasafn AustfirðingaLaufskógum 1, 700 Egilsstaðir

Sími: 471 1417
Tölvupóstur:   heraust@heraust.is

Senda fyrirspurn

 

 

Héraðsskjalasafn Austfirðinga er byggðasamlag á vegum sveitarfélaga á Austurlandi. Safnið starfar samkvæmt lögum um opinber skjalasöfn frá árinu 2014 og er sjálfstæð skjalavörslustofnun en lítur faglegu eftirliti Þjóðskjalasafns Íslands. Megin hlutverk safnsins er að taka við skjölum og hafa eftirlit með skjalavörslu aðildarsveitarfélaga sinna og stofnana á þeirra vegum. Í safninu er ágæt aðstaða fyrir fræðiiðkanir. Öll söfnin í héraðsskjalasafninu - skjalasafnið, ljósmyndasafnið og bókasafnið - stækka ört og luma á margvíslegu efni sem nýst getur við fjölbreyttar rannsóknir, hvort sem þær eru unnar af fræðimönnum, nemum eða öðrum sem kjósa að nýta sér safnkostinn. Margs konar gögn eru í skjalasafninu, þar má t.d. leita upplýsinga um örnefni, landamerki eða um starfsemi félaga sem afhent hafa safninu skjöl sín.

© 2017 Héraðsskjalasafn Austfirðinga