Starfsfólk  |  EN  |  ISL  |    |  

Úr starfi safnsins

Starfið í Safnahúsinu gengur sinn vanagang þó vor sé í lofti. Héraðsskjalasafnið hefur fengið margar afhendingar það sem af er ári og aðsókn að ljósmyndasýningunni Þrælkun þroski þrá  hefur verið mjög góð. Framundan nú á laugardaginn (27. mars) er hið árlega Páskafjör Minjasafnsins, en um það má fræðast nánar á heimasíðu þess. Slóðin er www.minjasafn.is

Starfsemi Héraðsskjalasafnsins er í hefðbundu formi þessa dagana. Mikið hefur verið að gera í skráningu skjala það sem af er árinu enda hafa afhendingar verið bæði margar og sumar stórar. Eru þar fyrirferðamiklar afhendingar frá einstaklingum og félögum, en mikill fengur er af slíkum afhendingum til viðbótar við afhendingar skilaskyldra aðila. 

Aðsóknin að safninu hefur verið mjög góð það sem af er ári. Fyrstu tvo mánuði ársins voru gestir alls 430 talsins (172 í janúar og 258 í febrúar). Er það töluvert meiri aðsókn en var á sama tíma undangengin tvö ár en fyrstu tvo mánuði ársins í fyrra voru gestir alls 395 og á sama tíma árið 2008 voru þeir 358 talsins. Gestir í marsmánuði eru þegar orðnir hátt í 200 talsins og er marsmánuður nú þegar orðin fjölmennari í gestum talið en marsmánuðir sl. tveggja ára.

Ljósmyndasýningn Þrælkun þroski þrá sem opnuð var í Safnahúsinu þann 4. febrúar sl. hefur vakið mikla athygli. Sýningin, sem byggð er á rannsókn Sigrúnar Sigurðardóttur menningarfræðings, er fengin að láni frá Þjóðminjasafni Íslands en þar hékk hún uppi í fyrra. Auk almennra gesta hefur fjöldi skólahópa komið gagngert til að skoða sýninguna í Safnahúsinu. Ákveðið hefur verið að sýningin standi út sumarið en upphaflega stóð til að hún yrði tekin niður í maímánuði.

Þann 18. mars sl. var haldinn fundur í stjórn Héraðsskjalasafnsins og er fundargerð þess fundar nú aðgengileg hér á heimasíðu safnsins (undir flipanum skjalasafn, efst á síðunni).  

Héraðsskjalasafn AustfirðingaLaufskógum 1, 700 Egilsstaðir

Sími: 471 1417
Tölvupóstur:   heraust@heraust.is

  Senda fyrirspurn

Héraðsskjalasafn Austfirðinga er byggðasamlag á vegum sveitarfélaga á Austurlandi. Safnið starfar samkvæmt lögum um opinber skjalasöfn frá árinu 2014 og er sjálfstæð skjalavörslustofnun en lítur faglegu eftirliti Þjóðskjalasafns Íslands. Megin hlutverk safnsins er að taka við skjölum og hafa eftirlit með skjalavörslu aðildarsveitarfélaga sinna og stofnana á þeirra vegum. Í safninu er ágæt aðstaða fyrir fræðiiðkanir. Öll söfnin í héraðsskjalasafninu - skjalasafnið, ljósmyndasafnið og bókasafnið - stækka ört og luma á margvíslegu efni sem nýst getur við fjölbreyttar rannsóknir, hvort sem þær eru unnar af fræðimönnum, nemum eða öðrum sem kjósa að nýta sér safnkostinn. Margs konar gögn eru í skjalasafninu, þar má t.d. leita upplýsinga um örnefni, landamerki eða um starfsemi félaga sem afhent hafa safninu skjöl sín.

© 2020 Héraðsskjalasafn Austfirðinga