Starfsfólk  |  EN  |  ISL  |    |  

Bókagjöf frá Vilhjálmi Hjálmarssyni

Héraðsskjalasafninu berast reglulega bókagjafir og bætast þær við bókasafn þess. Nýlega barst safninu bókagjöf frá einum af helstu velunnurum safnsins, Vilhjálmi Hjálmarsyni, fv. menntamálaráðherra, frá Brekku í Mjóafirði. Vilhjálmur hefur í gegnum tíðina vikið góðu að safninu, m.a. hefur hann gefið því margar bækur auk þess að hlutast til um skjalaafhendingar til þess. Stendur safnið í mikilli þakkarskuld við Vilhjálm.

Bækurnar sem Vilhjálmur færði safninu nú á dögunum eru tólf talsins og eru þær allar ýmist færeyskar eða um Færeyjar.  Um er að ræða vegleg og góð rit sem flest tengjast sögu eyjanna með einum eða öðrum hætti, en einnig er að finna í gjöfinni bæði orðabók, ferðasögu og ljóð. Hér að neðan fylgir listi yfir bækurnar í gjöfinni. 


M.A. Jacobsen & Chr. Matras: Føroysk-Donsk orðabók
Erlendur Patursson: Fiskveiði – Fiskimenn 1850-1939 (1. og 2. bindi)
Sverrir Patursson: Fra færøenes næringsveie
Færeyínga saga (útg. 1972)
Hans Jacob Debes: Politiska søga Føroya
Seyðabrævið (útg. 1971)
V.U. Hammershaimb: Savn úr annaler for nordisk oldkyndighed og historie og antiqarisk tidskrift
Páll J. Nolsøe: Føroya Siglingarsøga 1856-1940. Bind VIII
Hannes Pétursson:Eyjarnar átján. Dagbók úr Færeyjaferð 1965
Hans J. Hanssen: Á brúnni. Yrkingar og hugleiðingar
Arne Nørrevang: Úr Bjargasøguni

Héraðsskjalasafn AustfirðingaLaufskógum 1, 700 Egilsstaðir

Sími: 471 1417
Tölvupóstur:   heraust@heraust.is

  Senda fyrirspurn

Héraðsskjalasafn Austfirðinga er byggðasamlag á vegum sveitarfélaga á Austurlandi. Safnið starfar samkvæmt lögum um opinber skjalasöfn frá árinu 2014 og er sjálfstæð skjalavörslustofnun en lítur faglegu eftirliti Þjóðskjalasafns Íslands. Megin hlutverk safnsins er að taka við skjölum og hafa eftirlit með skjalavörslu aðildarsveitarfélaga sinna og stofnana á þeirra vegum. Í safninu er ágæt aðstaða fyrir fræðiiðkanir. Öll söfnin í héraðsskjalasafninu - skjalasafnið, ljósmyndasafnið og bókasafnið - stækka ört og luma á margvíslegu efni sem nýst getur við fjölbreyttar rannsóknir, hvort sem þær eru unnar af fræðimönnum, nemum eða öðrum sem kjósa að nýta sér safnkostinn. Margs konar gögn eru í skjalasafninu, þar má t.d. leita upplýsinga um örnefni, landamerki eða um starfsemi félaga sem afhent hafa safninu skjöl sín.

© 2020 Héraðsskjalasafn Austfirðinga