Starfsfólk  |  EN  |  ISL  |     |   

Ættir Austfirðinga

Nú eru liðin rétt 40 ár síðan lokið var við að gefa út Ættir Austfirðinga eftir sr. Einar Jónsson frá Hofi í Vopnafirði. Þó langt sé um liðið frá útgáfunni er enn hægt að nálgast eintök af Ættum Austfirðinga og er áhugasömum bent á að hafa samband við starfsfólk héraðsskjalasafnsins hafi það áhuga á að kaupa eintak.  

Þetta mikla verk Einars var búið að vera til í handriti um allnokkurt skeið áður en til kom að það væri gefið út. Höfundur segir frá því í inngangi fyrsta bindis að hann hafi verið byrjaður að leggja drög að þessu verki strax á áttunda áratug 19. aldar, en Einar var fæddur árið 1853. Inngangurinn sem hér er nefndur er dagsettur 23. apríl 1929 og er því skrifaður 24 árum áður en fyrsta bindið kom út. Einar lést árið 1931. Það var ekki fyrr en á árunum 1953 til 1968 sem Austfirðingafélagið í Reykjavík gaf Ættir Austfirðinga út og komu verkið út í alls níu bindum. Það hefur alla tíð síðan verið ein mikilvægasta heimildin um ættfræði fjórðungsins.

Héraðsskjalasafn AustfirðingaLaufskógum 1, 700 Egilsstaðir

Sími: 471 1417
Tölvupóstur:   heraust@heraust.is

  Senda fyrirspurn

Héraðsskjalasafn Austfirðinga er byggðasamlag á vegum sveitarfélaga á Austurlandi. Safnið starfar samkvæmt lögum um opinber skjalasöfn frá árinu 2014 og er sjálfstæð skjalavörslustofnun en lítur faglegu eftirliti Þjóðskjalasafns Íslands. Megin hlutverk safnsins er að taka við skjölum og hafa eftirlit með skjalavörslu aðildarsveitarfélaga sinna og stofnana á þeirra vegum. Í safninu er ágæt aðstaða fyrir fræðiiðkanir. Öll söfnin í héraðsskjalasafninu - skjalasafnið, ljósmyndasafnið og bókasafnið - stækka ört og luma á margvíslegu efni sem nýst getur við fjölbreyttar rannsóknir, hvort sem þær eru unnar af fræðimönnum, nemum eða öðrum sem kjósa að nýta sér safnkostinn. Margs konar gögn eru í skjalasafninu, þar má t.d. leita upplýsinga um örnefni, landamerki eða um starfsemi félaga sem afhent hafa safninu skjöl sín.

© 2020 Héraðsskjalasafn Austfirðinga