Í tilefni af þjóðhátíðardeginum 17. júní opnar Héraðsskjalasafn Austfirðingu sína þriðju örsýningu. Í þetta sinn eru það bækur, ekki síst Biblíur, sem eru í forgrunni.
Sýningar og viðburðir
Í tilefni af allrasálnamessu 2. nóvember sýnum við fimm portrettmálverk úr eigu safnsins af einstaklingum sem bjuggu og störfuðu á Austurlandi en eru nú látin.
22. október 2022 kl. 10:00
Erla Hulda Halldórsdóttir, prófessor í sagnfræði við Háskóla Íslands, flytur fyrirlestur í Sláturhúsinu á Egilsstöðum um rannsóknir sínar á bréfasafni Páls Pálssonar frá Hallfreðarstöðum. Í safninu er að finna mörg bréf frá fjölskyldu Páls á Hallfreðarstöðum, ættingjum, vinum og kunningjum sem varpa ljósi á sögu og samfélag á Héraði um og fyrir miðja 19. öld.
8. maí 2022
Dr. William R. Short og Reynir A. Óskarsson, félagar í Hurstwic hópnum, halda fyrirlestur í Safnahúsinu, Laufskógum 1, Egilsstöðum.
2. júní 2022
Hrafnkell Lárusson, fyrrverandi forstöðumaður Héraðsskjalasafns Austfirðinga, heldur fyrirlestur sem byggðan á rannsóknum sínum, en hann varði doktorsritgerð sína, Lýðræði í mótun: félagastarf, fjölmiðlun og þátttaka almennings 1874-1915, við Háskóla Íslands í apríl í fyrra.
9. nóvember 2021 - 31. janúar 2022
Á veggjum Safnahússins er nú að finna sýningu um upphaf þéttbýlisins á Egilsstöðum á fimmta og sjötta áratug 20. aldarinnar í tengslum við verkefni um verndarsvæði í byggð.
13. nóvember 2021 - 31. desember 2021
Norræni skjaladagurinn er haldinn víða um Norðurlönd, jafnan annan laugardag í nóvember. Í tilefni dagsins eru til sýnis skjöl sem tengjast heimagrafreitum á Austurlandi.
19. október 2021
Dr. Hjalti Hugason, prófessor í kirkjusögu við Háskóla Íslands, flytur erindi í Kirkjuselinu í Fellabæ þriðjudaginn 19. október kl. 17:00-19:00. Fjallað verður um þær miklu vinsældir sem heimagrafreitir nutu á tímabilinu 1880–1960 og þá ekki síst á Austurlandi þar sem mikinn fjölda þeirra er að finna.
Frá 17. júní 2021
Dagrún Ósk Jónsdóttir þjóðfræðingur og myndlistarkonan Sunneva Guðrún Þórðardóttir standa að baki sýningu um tröllskessur í íslenskum þjóðsögum í opnu rými á neðstu hæð Safnahússins. Opið alla virka daga klukkan 9-19.
Frá 16. mars 2021
Lokaverkefni Önnu Birnu Jakobsdóttur frá Menntaskólanum á Egilsstöðum í opnu rými Safnahússins. Opið frá 9-19 virka daga.
30. október - 12. desember
Sýning með teikningum eftir myndlistarnema unnar uppúr lýsingum á eftirlýstu fólki í Alþingisbókum Íslendinga.
Héraðsskjalasafn Austfirðinga er byggðasamlag á vegum sveitarfélaga á Austurlandi. Safnið starfar samkvæmt lögum um opinber skjalasöfn frá árinu 2014 og er sjálfstæð skjalavörslustofnun en lítur faglegu eftirliti Þjóðskjalasafns Íslands. Megin hlutverk safnsins er að taka við skjölum og hafa eftirlit með skjalavörslu aðildarsveitarfélaga sinna og stofnana á þeirra vegum. Í safninu er ágæt aðstaða fyrir fræðiiðkanir.
Öll söfnin í héraðsskjalasafninu - skjalasafnið, ljósmyndasafnið og bókasafnið - stækka ört og luma á margvíslegu efni sem nýst getur við fjölbreyttar rannsóknir, hvort sem þær eru unnar af fræðimönnum, nemum eða öðrum sem kjósa að nýta sér safnkostinn. Margs konar gögn eru í skjalasafninu, þar má t.d. leita upplýsinga um örnefni, landamerki eða um starfsemi félaga sem afhent hafa safninu skjöl sín.