Héraðsskjalasafn Austfirðinga óskar eftir að ráða starfsmann til tímabundinna starfa.
Um er að ræða starf við verkefni á vegum Þjóðskjalasafns Íslands. Verkefnið gengur út á að koma manntali á tölvutækt form til birtingar á vefnum. Starfsmaður mun slá upplýsingum inn í gagnagrunn eftir frumriti manntalsins.
Ráðið er til loka árs 2009. Reynslutími er 2 mánuðir. Bæði getur verið um að ræða fullt starf eða hlutastarf (50%). Umsækjendur þurfa að geta hafið störf sem fyrst.
Umsóknarfrestur er til föstudagsins 20. febrúar n.k.
Leitað er eftir áhugasömu fólki með reynslu af tölvunotkun og áhuga á að kynnast mikilvægum sögulegum heimildum og taka þátt í að miðla þeim á nútímalegan hátt.
Umsóknum skal skilað á þar til gerðum eyðublöðum sem nálgast má í Héraðsskjalasafni Austfirðinga eða fá send í tölvupósti. Beiðnir um slíkt skulu sendar á netfangið This email address is being protected from spambots. You need JavaScript enabled to view it.
Nánari upplýsingar um starf og launakjör veitir Hrafnkell Lárusson, forstöðumaður Héraðsskjalasafns Austfirðinga, í síma 471 1417.
Útfylltar umsóknir skal senda í bréfapósti merktar:
Héraðsskjalasafn Austfirðinga
Laufskógum 1
700 Egilsstaðir
