Í þessari viku og næstu verða frávik frá auglýstum opnunartíma Héraðsskjalasafns Austfirðinga.
Föstudaginn 30. september opnar safnið kl. 13 vegna samráðsfundar bókasafna á Austurlandi með Landskerfi bókasafna.
Þá mun verða lokað á safninu dagana 6. og 7. október en þá mun starfsfólk safnsins sækja haustráðstefnu Félags héraðsskjalavarða á Íslandi, sem haldin verður á Dalvík.
Við biðjumst velvirðingar á óþægindum sem þetta kann að hafa í för með sér.
Héraðsskjalasafn Austfirðinga er byggðasamlag á vegum sveitarfélaga á Austurlandi. Safnið starfar samkvæmt lögum um opinber skjalasöfn frá árinu 2014 og er sjálfstæð skjalavörslustofnun en lítur faglegu eftirliti Þjóðskjalasafns Íslands. Megin hlutverk safnsins er að taka við skjölum og hafa eftirlit með skjalavörslu aðildarsveitarfélaga sinna og stofnana á þeirra vegum. Í safninu er ágæt aðstaða fyrir fræðiiðkanir.
Öll söfnin í héraðsskjalasafninu - skjalasafnið, ljósmyndasafnið og bókasafnið - stækka ört og luma á margvíslegu efni sem nýst getur við fjölbreyttar rannsóknir, hvort sem þær eru unnar af fræðimönnum, nemum eða öðrum sem kjósa að nýta sér safnkostinn. Margs konar gögn eru í skjalasafninu, þar má t.d. leita upplýsinga um örnefni, landamerki eða um starfsemi félaga sem afhent hafa safninu skjöl sín.
