Héraðsskjalasafn Austfirðinga

Jólasýning 2009

Nr. 01

Emelía Antonsdóttir Blöndal, ljósmyndari Seyðisfirði.

Nr. 02

Ungir bílasmiðir, eða er það eimreið? Frá vinstri: Garðar Eyjólfsson í Sólvangi, yngsti sonur Eyjólfs ljósmyndara, og Pétur Blöndal, kjörsonur Emilíu og Theódórs Blöndal.

Nr. 03

Ungir skíðagarpar, bræðurnir Haukur og Axel Eyjólfssynir, Jónssonar.

Nr. 10

Ingólfur Antonsson, bróðir Emilíu Blöndal. Fæddur 1901.

Nr. 11

Jónas Jóhannsson við hreindýraveiðar á Jökuldalsheiði.

Nr. 14

„Þegar hækkar í lest og hleðst mitt skip“, sungu sjómennirnir. Drekkhlaðinn síldarbátur við bryggju á Seyðisfirði árið 1938.

Nr. 15

Síldin bíður söltunar. Tæknin hefur ekki enn hafið innreið sína.

Nr. 18

Þvottur hengdur til þerris á Seyðisfirði að vetrarlagi. Á myndinni eru mæðgurnar Vilborg Þorgilsdóttir (1879-1955) og Unnur Sveinsdóttir (1904-1986). Eiginmaður Vilborgar og faðir Unnar var Sveinn Árnason (1877-1957), yfirfiskmatsmaður. Fjölskyldan bjó í Bakaríinu á Seyðisfirði, merkilegu húsi sem Sveinn byggði árið 1914 og stendur við Austurveg 49.

Nr. 19

Mynd frá lýðveldishátíð sem haldin var á Seyðisfirði árið 1944.

Nr. 20

Frá fimleikasýningu á lýðveldishátíðinni á Seyðisfirði árið 1944.

Nr. 22

Kvenfélagið Kvik setti mikinn svip á menningar-og mannlíf á Seyðisfirði. Hér gefur að líta stjórn félagsins. Ártal vantar á myndina en rósótti kjóllinn sem konan í miðju klæðist bendir til að hún sé frá tekin snemma á 7. áratug 20. aldar. Frá vinstri: Bergþóra Guðmundsdóttir, Ólína Þorleifsdóttir, Arnþrúður Ingólfsdóttir, Guðrún Gísladóttir og Margrét Friðriksdóttir.

Nr. 23

Um árabil stóð kvenfélagið Kvik fyrir skrautsýningum þar sem börn voru í aðalhlutverki. Hér er það verkið „Dætur skýjakonungsins“ sem er á fjölunum. Nöfn leikaranna eru óþekkt, utan þess, að það eru þau Ágúst Sverrisson og Nína Lárusdóttir sem eru í hlutverkum kóngs og drottningar.

Nr. 24

Skíðamót í svokölluðum Botnum árið 1938 (?).

Nr. 25

Í sumri og sól. Óþekktar konur í garðinum við Sólvang.

Nr. 26

Tveir óþekktir drengir utan við verslun Jóns G. Jónassonar. Konan í glugganum er Stefanía Jónsdóttir (?).

Nr. 27

Þegar skoðaðar eru gamlar myndir frá Seyðsifirði, þar sem norsk og dönsk áhrif voru töluverð fer ekki á milli mála að bæjarbúar hafa á stundum klæðst betri fötunum og „prómenerað“ um bæinn. Á þessari mynd er þekkt Laufey Jóhannsdóttir, eiginkona Indriða Gíslasonar. Karlinn til vinstri er óþekktur en tilgáta er um að sá til hægri sé Anton Ólason.

Nr. 28

Og enn gefur að líta uppábúna karla og sumarklæddar konur utan við verslun Jóns G. Jónassonar. Allir eru óþekktir.

Nr. 29

Aldan árið 1919. Við Lónið gnæfir fjarskiptamastur Þorsteins Gíslasonar. Sími hefur verið lagður um bæinn sem er upplýstur með rafmagni (sjá götulukt á staur).

Myndagallerí