Starfsfólk  |  EN  |  ISL  |    |  

Stjórnarfundur 3.6.2019

Stjórnarfundur Héraðsskjalasafns Austfirðinga 3. júní 2019

Fundurinn var haldinn í Safnahúsinu á Egilsstöðum og hófst hann kl. 16:00.
Mættar voru: Anna Margrét Birgisdóttir, Þorbjörg Sandholt og Bára Stefánsdóttir.
Anna stjórnaði fundi og Bára ritaði fundargerð.

Dagskrá:

1. Drög að ársreikningi 2018
Drög að ársreikningi lögð fram til kynningar og fyrri umræðu.

2. Fjárhagsáætlun 2020
Áætlun gerir ráð fyrir 5,8 millj. kr. tapi (sama og reiknuð leiga í Safnahúsi). Rekstrartekjur verði 42 millj. og rekstrargjöld 47,9 millj. Framlög sveitarfélaga verði 36,2 millj.
Stjórn samþykkir að leggja áætlunina fyrir aðildarsveitarfélög safnsins.

3. Starfsmannamál
Í fjárhagsáætlun er gert ráð fyrir að bætt verði við starfsmanni í 1 stöðugildi.

4. Önnur mál
Hrefna Róbertsdóttir þjóðskjalavörður og Njörður Sigurðsson sviðsstjóri hjá Þjóðskjalasafni Íslands (ÞÍ) heimsóttu safnið 9. maí. Rekstraraðilar Héraðsskjalasafnsins þurfa fyrir 31. október 2019 að senda ÞÍ tímasetta áætlun um hvernig staðið verði að úrbótum á þeim atriðum sem gerðar voru athugasemdir við í skýrslu ÞÍ um starfsemi Héraðsskjalasafns Austfirðinga. Skýrslan var lögð fyrir stjórnarfund 20.2.2019.
Stjórn felur Báru að gera úrbótaáætlun sem verði lögð fyrir næsta stjórnarfund.

Héraðsskjalaverðir á Norður- og Austurlandi eru að skoða hvaða möguleikar eru á samstarfi safnanna varðandi rafræna skjalavörslu og langtíma varðveislu rafrænna gagna.

 

Fleira var ekki tekið fyrir og fundi slitið kl. 18:00.

 

Anna Margrét Birgisdóttir [sign.]
Þorbjörg Sandholt [sign.]
Bára Stefánsdóttir [sign.]

 

Héraðsskjalasafn AustfirðingaLaufskógum 1, 700 Egilsstaðir

Sími: 471 1417
Tölvupóstur:   heraust@heraust.is

Senda fyrirspurn

Héraðsskjalasafn Austfirðinga er byggðasamlag á vegum sveitarfélaga á Austurlandi. Safnið starfar samkvæmt lögum um opinber skjalasöfn frá árinu 2014 og er sjálfstæð skjalavörslustofnun en lítur faglegu eftirliti Þjóðskjalasafns Íslands. Megin hlutverk safnsins er að taka við skjölum og hafa eftirlit með skjalavörslu aðildarsveitarfélaga sinna og stofnana á þeirra vegum. Í safninu er ágæt aðstaða fyrir fræðiiðkanir. Öll söfnin í héraðsskjalasafninu - skjalasafnið, ljósmyndasafnið og bókasafnið - stækka ört og luma á margvíslegu efni sem nýst getur við fjölbreyttar rannsóknir, hvort sem þær eru unnar af fræðimönnum, nemum eða öðrum sem kjósa að nýta sér safnkostinn. Margs konar gögn eru í skjalasafninu, þar má t.d. leita upplýsinga um örnefni, landamerki eða um starfsemi félaga sem afhent hafa safninu skjöl sín.

© 2019 Héraðsskjalasafn Austfirðinga