Starfsfólk  |  EN  |  ISL  |     |   

Stjórnarfundur 6.4.2020

Stjórnarfundur Héraðsskjalasafns Austfirðinga 6. apríl 2020

Fundurinn var símafundur og hófst hann kl. 10:00.
Mætt voru: Anna Margrét Birgisdóttir, Helgi Bragason, Þorbjörg Sandholt og Bára Stefánsdóttir. Anna stjórnaði fundi og Bára ritaði fundargerð.
Áður boðuðum fundi sem vera átti 30. mars var frestað til þessa dags.

Dagskrá:

1. Reglugerð um rekstur héraðsskjalasafns
Umsögn um reglugerðardrögin sem var til umfjöllunar á stjórnarfundi 24. febrúar var unnin
áfram með tölvusamskiptum og send í samráðsgátt stjórnvalda 13. mars.

2. Sameining Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar
Fyrir fundinum lágu drög að svari við bréfi frá undirbúningsstjórn vegna sameiningar þessara fjögurra sveitarfélaga. Stjórnarmenn samþykktu texta svarbréfsins.

3. Stofnsamningur byggðasamlagsins
Bára kynnti tillögur að breytingum á núgildandi stofnsamningi byggðasamlagsins sem tók gildi 1. desember 2018.
Héraðsskjalaverði falið að vinna málið áfram og leggja fyrir næsta stjórnarfund.

4. Önnur mál
Rætt um næsta stjórnarfund en enginn tími fastsettur. Staðbundinn fundur verður ekki fyrr en samkomubanni vegna covid-19 hefur verið aflétt.

Fleira var ekki tekið fyrir og fundi slitið kl. 11:30.

Anna Margrét Birgisdóttir [sign.]
Helgi Bragason [sign.]
Þorbjörg Sandholt [sign.]
Bára Stefánsdóttir [sign.]

Héraðsskjalasafn AustfirðingaLaufskógum 1, 700 Egilsstaðir

Sími: 471 1417
Tölvupóstur:   heraust@heraust.is

  Senda fyrirspurn

Héraðsskjalasafn Austfirðinga er byggðasamlag á vegum sveitarfélaga á Austurlandi. Safnið starfar samkvæmt lögum um opinber skjalasöfn frá árinu 2014 og er sjálfstæð skjalavörslustofnun en lítur faglegu eftirliti Þjóðskjalasafns Íslands. Megin hlutverk safnsins er að taka við skjölum og hafa eftirlit með skjalavörslu aðildarsveitarfélaga sinna og stofnana á þeirra vegum. Í safninu er ágæt aðstaða fyrir fræðiiðkanir. Öll söfnin í héraðsskjalasafninu - skjalasafnið, ljósmyndasafnið og bókasafnið - stækka ört og luma á margvíslegu efni sem nýst getur við fjölbreyttar rannsóknir, hvort sem þær eru unnar af fræðimönnum, nemum eða öðrum sem kjósa að nýta sér safnkostinn. Margs konar gögn eru í skjalasafninu, þar má t.d. leita upplýsinga um örnefni, landamerki eða um starfsemi félaga sem afhent hafa safninu skjöl sín.

© 2020 Héraðsskjalasafn Austfirðinga