Starfsfólk  |  EN  |  ISL  |     |   

Stjórnarfundur 14.9.2020

Stjórnarfundur Héraðsskjalasafns Austfirðinga 14. september 2020

Fundurinn var símafundur og hófst hann kl. 16:00.

Mætt voru: Anna Margrét Birgisdóttir, Helgi Bragason, Þorbjörg Sandholt og Bára Stefánsdóttir. Anna stjórnaði fundi og Bára ritaði fundargerð.

Dagskrá:

1. Stofnsamningur, nýjar breytingartillögur
Breytingar á 3. grein um skipun stjórnar og bráðabirgðaákvæði um kosningar 2020 til umræðu.
Stjórn samþykkir fyrirliggjandi breytingar og felur Báru að senda þær til sveitarstjórna til umsagnar.

2. Reglugerð um gjaldskrá
Svar 13 borgar- og héraðsskjalasafna við beiðni mennta- og menningarmálaráðneytis um tillögur vegna væntanlegrar reglugerðar. Lagt fram til kynningar.

3. Persónuverndarfulltrúi
Verðáætlun fyrir tímabundna vinnu persónuverndarfulltrúa fyrir safnið lögð fram til skoðunar. Báru falið að ganga frá samningi við Fljótsdalshérað.

4. Rafræn skjalavarsla
Svarbréf Báru til bæjarráðs Fljótsdalshéraðs um áhrif væntanlegra reglna Þjóðskjalasafns Íslands.
Lagt fram til kynningar.

5. Miðstöð fræða og sögu
Ábendingar Báru til atvinnu- og menningarnefndar Fljótsdalshéraðs um drög að stofnskrá Sigfúsarstofu lagðar fram til kynningar.

6. Önnur mál
Fleiri mál komu ekki fram.

Fundi var slitið kl. 16:40.


Anna Margrét Birgisdóttir [sign.]
Helgi Bragason [sign.]
Þorbjörg Sandholt [sign.]
Bára Stefánsdóttir [sign.]

 

Héraðsskjalasafn AustfirðingaLaufskógum 1, 700 Egilsstaðir

Sími: 471 1417
Tölvupóstur:   heraust@heraust.is

  Senda fyrirspurn

Héraðsskjalasafn Austfirðinga er byggðasamlag á vegum sveitarfélaga á Austurlandi. Safnið starfar samkvæmt lögum um opinber skjalasöfn frá árinu 2014 og er sjálfstæð skjalavörslustofnun en lítur faglegu eftirliti Þjóðskjalasafns Íslands. Megin hlutverk safnsins er að taka við skjölum og hafa eftirlit með skjalavörslu aðildarsveitarfélaga sinna og stofnana á þeirra vegum. Í safninu er ágæt aðstaða fyrir fræðiiðkanir. Öll söfnin í héraðsskjalasafninu - skjalasafnið, ljósmyndasafnið og bókasafnið - stækka ört og luma á margvíslegu efni sem nýst getur við fjölbreyttar rannsóknir, hvort sem þær eru unnar af fræðimönnum, nemum eða öðrum sem kjósa að nýta sér safnkostinn. Margs konar gögn eru í skjalasafninu, þar má t.d. leita upplýsinga um örnefni, landamerki eða um starfsemi félaga sem afhent hafa safninu skjöl sín.

© 2020 Héraðsskjalasafn Austfirðinga