Starfsfólk  |  EN  |  ISL  |     |   

Stjórnarfundur 9.12.2020

Stjórnarfundur Héraðsskjalasafns Austfirðinga 9. desember 2020

Fundurinn var fjarfundur og hófst kl. 16:30.

Mætt voru: Anna Margrét Birgisdóttir, Helgi Bragason, Þorbjörg Sandholt og Bára Stefánsdóttir. Anna stjórnaði fundi og Bára ritaði fundargerð.

Dagskrá:

1. Undirbúningur aðalfundar

Tekin fyrir beiðni um að aðalfundur þann 11. desember verði haldinn í fjarfundi.

Stjórn samþykkir að fundarmenn hafi val um að taka þátt í fjarfundi eða mæta á fundarstað.
Báru falið að senda út nýtt fundarboð þar sem þessi breyting kemur fram og boða einnig til fjarfundar í gegnum tölvu.

2. Önnur mál

Rætt um þá hefð hjá Héraðsskjalasafninu að gefa út prentað jóla- eða áramótakort með fróðleik. Stjórn tekur undir að hætt verði að gefa út prentuð jólakort þrátt fyrir að eftirsjá sé af útgáfunni. Fyrsta kortið komið út árið 1978 eða tveimur árum eftir stofnun Héraðsskjalasafnsins og það síðasta verður gefið út í þessum mánuði. Eldri kort eru aðgengileg á vef safnsins.

Fleira var ekki tekið fyrir og fundi slitið kl. 17:05.

Anna Margrét Birgisdóttir [sign.]
Helgi Bragason [sign.]
Þorbjörg Sandholt [sign.]
Bára Stefánsdóttir [sign.]

Héraðsskjalasafn AustfirðingaLaufskógum 1, 700 Egilsstaðir

Sími: 471 1417
Tölvupóstur:   heraust@heraust.is

  Senda fyrirspurn

Héraðsskjalasafn Austfirðinga er byggðasamlag á vegum sveitarfélaga á Austurlandi. Safnið starfar samkvæmt lögum um opinber skjalasöfn frá árinu 2014 og er sjálfstæð skjalavörslustofnun en lítur faglegu eftirliti Þjóðskjalasafns Íslands. Megin hlutverk safnsins er að taka við skjölum og hafa eftirlit með skjalavörslu aðildarsveitarfélaga sinna og stofnana á þeirra vegum. Í safninu er ágæt aðstaða fyrir fræðiiðkanir. Öll söfnin í héraðsskjalasafninu - skjalasafnið, ljósmyndasafnið og bókasafnið - stækka ört og luma á margvíslegu efni sem nýst getur við fjölbreyttar rannsóknir, hvort sem þær eru unnar af fræðimönnum, nemum eða öðrum sem kjósa að nýta sér safnkostinn. Margs konar gögn eru í skjalasafninu, þar má t.d. leita upplýsinga um örnefni, landamerki eða um starfsemi félaga sem afhent hafa safninu skjöl sín.

© 2020 Héraðsskjalasafn Austfirðinga