Sjómennska og samkomur

Norska þjóðlagasöngkonan Åse Kleveland tekur lagið á Héraðsvöku í Valaskjálf veturinn 1970. Hún átti síðar eftir verða menntamálaráðherra Noregs.

Fjós og hlaða Samvinnufélagsins Búbótar sem stofnað var af nokkrum íbúum Egilsstaðaþorps árið 1952. Félagið fékk 25 hekturum lands úthlutað og stóðu þessi mannvirki á þeim slóðum sem bílastæði Menntaskólans er núna. Bústofnin var um 20 kýr þegar flest var, en samvinnubúið var leyst upp 1956. Búskapur var stundaður í Búbót af einkaaðilum fram til ársins 1969.

Eiðastaður árið 1955. Myndina tók Sigurður Blöndal ofan úr loftnetsmastri Endurvarpsstöðvarinnar.

Mjólkurflutningar á snjóbíl (U-16) árið 1966. Á myndinni má þekkja lengst t.v. Berg Ólason og Þorstein Jóhannsson. Hái maðurinn er Þráinn Jónsson. Maðurinn í ljósu peysunnni er Hrafn á Hallormsstað og pilturinn við hlið hans Pétur á Hafursá (?). Ábendingar og leiðréttingar, ef rangt er farið með eru vel þegnar.

Fólkið á þessari mynd er allt óþekkt. Myndin var í eigu Ingibjargar Guðmundsdóttur og Sigurðar Halldórssonar frá Húsey og gæti hafa komið til þeirra frá ættingjum. Ljósmyndara er ekki getið.

Gert klárt fyrir hreindýraveiðar í Fljótsdal. Mynd úr safni Sigurðar Aðalsteinssonar. Ljósmyndari óþekktur.

Þessir ungu menn af Úthéraði voru skólabræður á Laugum um 1930. Frá vinstri: Hrafnkell Elísson, bóndi Hallgeirsstöðum, Kristmundur Bjarnason, bóndi Ánastöðum og Björn Halldórsson frá Húsey. Myndin var í eigu Ingibjargar Guðmundsdóttur og Sigurðar Halldórssonar frá Húsey. Ljósmyndara er ekki getið.

Sumarið 1997 var leikritið Jónsmessunæturdraumur eftir William Shakespeare sýnt í Egilsstaðaskógi og fylgdu áhorfendur leikurunum eftir um stíga og rjóður. Talið frá vinstri: Jón Gunnar Axelsson, Aðalbjörn Sigurðsson, Björgvin Friðriksson (snýr baki í ljósmyndarann), Unnar Geir Unnarsson, Daníel Behrend og Sigurgeir Baldursson. Listilega ofinn kóngulóarvefur í baksýn er eftir Stefaníu Steinþórsdóttur og Gissur Árnason.

Þetta er ungt og leikur sér. Brynhildur Vilhjálmsdóttir og líklega dótturdóttir hennar og nafna bregða á leik í Selskógi 17. júní 1997.

Frá úrtökumóti í frjálsum íþróttum á Hornafirði á fimmta áratug 20. aldar. Það eru þeir Þórarinn Sveinsson og Skúli Þorsteinsson sem halda uppi hástökksránni. Myndina tók Tómas Árnason sem var ásamt bróður sínum Þorvarði á mótinu. Drógu þeir bræður föggur sínar á sleða yfir Fjarðarheiði á leið sinni á mótið.

Starfsmenn frá Netagerð Friðriks Vilhjálmssonar í Neskaupstað við viðgerðir á loðnunót á Eskifirði 1992. Mennirnir eru óþekktir.

Bátur úr smiðju Guðlaugs Einarssonar á Fáskrúðsfirði.

Haustið 1987 brá Örvar Þór Einarsson, þá blaðamaður á Austra, sér á Vopnafjörð og tók myndir af síldarsöltun. Þekkir einhver fólkið?

Í sömu ferð (sjá texta við mynd nr. 13) smellti Örvar Þór Einarsson mynd af Katrínu Valtýsdóttur.

Unnið við lagfæringar á netum á Seyðisfirði. Myndin sem er úr ljósmyndasafni Austra er tekin í kringum 1990. Ljósmyndari óþekktur.

Uppskipunargengi á Seyðisfirði stillir sér upp til myndatöku. Myndinni fylgja engar upplýsingar aðrar en hún er úr ljósmyndasafni Austra og er tekin árið 1993.

Jón Sigurðsson, auknefndur fótalausi. Jón missti báða fætur ofan við ökkla eftir mikla sjóhrakninga veturinn 1880. Þegar hann var gróinn sára sinna lét hann smíða sér skó og komu þá fótleggirnir í fótastað. Gekk hann eftir það á hjánum og stundaði sjó eftir sem áður. Jón var ættaður af Álftanesi en flutti til Seyðisfjarðar og réri þaðan þegar hann lenti í hrakningunum. Síðar bjó hann í Neskaupstað. Myndin líklega tekin um 1900. Ljósmyndari óþekktur.

Óþekkt fjölskylda. Líklegt er að myndin sé af fólki sem búsett var á Úthéraði, Borgarfirði eða Vopnafirði. Myndina tók Bjarni Þorsteinsson, sem var lærður ljósmyndari og rak ljósmyndastofu á Vopnafirði í upphafi 20. aldar

Ungir drengir í sundkennslu í Fjarðará í Seyðisfirði árið 1910 eða 1911. Sundkennarinn er Ingi T. Lárusson, tónskáld. Ljósmyndari óþekktur.

Mynd frá sumarsamkomu í Atlavík, líklega frá fyrri hluta sjötta áratugarins. Myndin gefur góða innsýn í bílaeign Austfirðinga á þeim tíma. Afrit úr safni Kristjáns Ólasonar, klæðskera. Frummyndin er í eigu Magnúsar Kristjánssonar.

Færeyingar við aðgerð á Bakkafirði, en þangað komu þeir sumar eftir sumar til landróðra. Myndin er líklega tekin snemma á 20. öld. Róðrar Færeyinga frá Austfjörðumn lögðust af þegar lýðveldið var stofnað en höfðu þá verið stundaðir í um hálfa öld. Myndin er afrit sem er í eigu Fornminjasafns Færeyja.

Sigursælir Austfirðingar á svokölluðu Hvanneyrarmóti sem haldið var sumarið 1943. U.Í.A. sendi tíu keppendur á mótið og voru þeir svo sigursælir að sambandið vann mótið. Á myndinni eru talið frá vinstri: Tómas Árnason, Guttormur Þormar og Þorvarður Árnason (?). Ljósmyndari óþekktur.

Jörundur Ragnarsson (í rauðri peysu) og Sveinn Antoníusson við pylsuafgreiðslu á Vopnafirði einhvern tíma á níunda áratugnum. Ekki liggja fyrir upplýsingar um upp á hvað er verið að halda. Myndin er kópía úr safni Snorra Hallgrímssonar.

Þorvarður Árnason frá Hánefsstöðum sýnir listir sínar á fimleikasýningu á Seyðisfirði um miðja síðustu öld. Ljósmyndari óþekktur.

Myndin sýnir fyrstu bifreiðina sem KHB eignaðist til olíuflutninga á hlaðinu í Gagnstöð í Hjaltastaðaþinghá. Myndin er afrit úr safni Kristjáns Ólasonar. Frummyndin er í eigu Magnúsar Kristjánssonar.

Karl Sveinsson, útgerðarmaður og fiskverkandi á Borgarfirði. Myndin er tekin árið 1992 og tilheyrir ljósmyndasafni Austra.

Sildarsöltun á Seyðisfirði. Ljósmyndari óþekktur.

Jón Dagsson frá Melrakkanesi og Áki Kristjánsson frá Brekku á Djúpavogi huga að prímusnum á ferðalagi í Hofsdal, á sjötta eða sjöunda áratug 20. aldar. Myndin er afrit af mynd í eigu Þorsteins Sveinssonar sem einnig er myndasmiðurinn.

Jón Andrésson frá Snotrunesi. Svona var stællinn á borgfirskum yngismönnum upp úr miðri 20. öld. Ljósmyndari óþekktur.

Ólöf Finnsdóttir á Strýtu í Hamarsfirði ásamt börnum sínum: Ríkarði, Birni, Finni, Georg, Karli og Önnu. Ríkarður og Finnur síðar urðu nafnkunnir listamenn. Myndin er tekin um aldamótin 1900. Ljósmyndari óþekktur.