Sumarsýning 2012
![](/templates/yootheme/cache/93/mynd%2001-936a2e51.jpeg)
Nr.1
Frá skólaferðalagi Egilsstaðaskóla í byrjun 8. áratugarins (?). Frá vinstri: Sigfús Kristinsson bifreiðarstjóri(?), hjónin Elísabet Svavarsdóttir og Ólafur Guðmundsson skólastjóri, Helgi Halldórsson kennari, óþekktur karlmaður, Berta Túliníus kennari, óþekktur karlmaður.
![](/templates/yootheme/cache/23/mynd%2002-5-23664fee.jpeg)
Nr. 2
Gestkvæmt á tjaldstæði á Borgarfirði eystra. Yfir vaka Dyrfjöll.
![](/templates/yootheme/cache/6b/mynd%2003-5-6b491659.jpeg)
Nr. 3
Á djasstónleikum í Valaskjálf. Talið frá vinstri: Vopnfirðingarnir Jóhann Róbertsson og Kristján Magnússon. Þriðji maður er Jörundur Ragnarsson.
![](/templates/yootheme/cache/41/mynd%2004-3-41c1aa29.jpeg)
Nr. 4
Stjórn Kaupfélags Héraðsbúa fundar á Borgarfirði. Upp á veggnum standa (talið frá vinstri): Steinþór Magnússon, Ingimar Sveinsson, Hrafnkell Björgvinsson, Þorsteinn Sveinsson, Aðalsteinn Jónsson, Bragi Hallgrímsson. Fyrir neðan vegginn standa (talið frá vinstri): Sigursteinn Jóhannsson, Jón Júlíusson og Sigurður Baldursson.
![](/templates/yootheme/cache/ee/mynd%2005-2-ee45dad2.jpeg)
Nr. 5
Smábátar við hafnarbakkann á Borgarfirði, í baksýn Geitfell og Svartfell.
![](/templates/yootheme/cache/a9/mynd%2006-2-a9593048.jpeg)
Nr. 6
Tveir á tali. Frá vinstri: Steinþór Magnússon stjórnarmaður KHB og Arngrímur Magnússon útibússtjóri KHB á Borgarfirði.
![](/templates/yootheme/cache/cc/mynd%2007-3-cc4274e2.jpeg)
Nr. 7
Beinakerling á Smjörvatnsheiði. Kannski sú sem Árni í Múla skaut að vísunni:
En sá heiðar andskoti
ekki strá né kvikindi
en hundrað milljón helvíti
af hnullungum og stórgrýti.
![](/templates/yootheme/cache/79/mynd%2008-3-795bb71f.jpeg)
Nr. 8
Málin rædd yfir kaffibolla. Frá vinstri: Eiríkur Eiríksson frá Dagverðargerði, Þráinn Jónsson veitingamaður, Helgi Gíslason, nú framkvæmdastjóri Skógræktarfélags Reykjavíkur, Jónas Einarsson afgreiðslumaður á Egilsstaðaflugvelli og Þórarinn Pálsson framkvæmdastjóri Plastiðjunnar Yls.
![](/templates/yootheme/cache/e7/mynd%2009-1-e7adedf2.jpeg)
Nr. 9
Þrír peyjar á stuttbuxum. Aftan á myndinni sem tekin er á Seyðisfirði standa nöfnin Jói, Sveinn og Ingvi. Full nöfn peyjanna eru óþekkt.
![](/templates/yootheme/cache/45/mynd%2010-5-45c64ee9.jpeg)
Nr. 10
Á hreindýraveiðum á Vesturöræfum. Seyðfirðingurinn Jóhann Hansson hefur fellt myndarlegan tarf.
![](/templates/yootheme/cache/06/Mynd%2011-0683c97f.jpeg)
Nr. 11
Konungur öræfanna falinn í valinn. Veiðimaðurinn er Jónas Jóhannsson á Egilsstöðum.
![](/templates/yootheme/cache/7f/mynd%2012-3-7ff67a5c.jpeg)
Nr. 12
Sex prúðbúnar húsfreyjur úr Helgustaðahreppi á ferðalagi á Laugum sumarið 1953. Frá vinstri: Steinunn Jónsdóttir, Ólöf Stefánsdóttir, Guðný Stefánsdóttir, Eygerður Beck, Jónína Jónsdóttir, Sigurborg Sæmundsdóttir.
![](/templates/yootheme/cache/94/mynd%2013-3-9437d274.jpeg)
Nr. 13
Myndin sýnir unga heimasætu á Eskifirði, Hildi Valdimarsdóttu. Klæðnaðurinn er dæmigerður fyrir unga telpu um miðja síðustu öld.
![](/templates/yootheme/cache/9d/mynd%2014-5-9d43ff60.jpeg)
Nr. 14
Elín Hrönn Jónsdóttir á Eskifirði leiðir litla bróður sinn, Þorstein Snorra Jónsson.
![](/templates/yootheme/cache/35/mynd%2015-4-35aa4b82.jpeg)
Nr. 15
Þrír sjómenn frá Eskifirði. Frá vinstri: Kristinn Karlsson, Kjartan Björgvinsson og Aðalsteinn Valdimarsson.
![](/templates/yootheme/cache/09/mynd%2016-1-0911fea7.jpeg)
Nr. 16
Síldarævintýrið á Seyðisfirði í fullum gangi snemma á 7. áratug 20. aldar. Mennirnir eru óþekktir.
![](/templates/yootheme/cache/0b/mynd%2017-1-0bb3f3ba.jpeg)
Nr. 17
Síldarsöltun á Seyðisfirði snemma á 7. áratug 20. aldar. Við bryggjuna bíða bátar löndunar. Handan fjarðar sést til Vestdalseyrar og Vestdals.
![](/templates/yootheme/cache/66/mynd%2018-66a780cc.jpeg)
Nr. 18
Síldarsöltun hjá Ströndinni á Seyðisfirði. Lokið hefur verið við að salta í tunnu númer tuttugu þúsund og eitt. Síldarstúlkurnar fagna. Sumar eru með rúllur í hárinu. Líklega var slegið upp balli um kvöldið.
![](/templates/yootheme/cache/de/mynd%2019-4-deb453a4.jpeg)
Nr. 19
Kristmundur Bjarnason við vinnu sína í skyrgerðinni hjá Mjólkurstöð KHB. Í dyrum sést í bakið á Steinþóri Magnússyni.
![](/templates/yootheme/cache/32/mynd%2020-5-328068df.jpeg)
Nr. 20
Guðmundur R. Jóhannsson tók margar skemmtilegar andlitsmyndir af Héraðsbúum snemma á 7. áratug 20. aldar, þegar hann vann hjá Kaupfélagi Héraðsbúa. Hér gefur að líta Jóhann Stefánsson, trésmið frá Merki á Jökuldal, sem betur er þekktur sem Jói snikk.
![](/templates/yootheme/cache/e5/mynd%2021-3-e5f40b44.jpeg)
Nr. 21
Hans Vollertsen var kennari á Alþýðuskólanum á Eiðum um skeið og tók þá myndir af nemendum til að birta í Árbókinni. Hér gefur að líta skólapiltinn Svein Ara Guðjónsson frá Breiðdalsvík. Myndin er frá árinu 1984.
![](/templates/yootheme/cache/90/mynd%2022-5-9086a25f.jpeg)
Nr. 22
Hátíðargestir á 17. júní samkomu á Vilhjálmsvelli á Egilsstöðum á aldamótaárinu 2000. Frá vinstri: Magnús Sigurðsson, Jóhanna Illugadóttir, Sveinn Jónsson. Aftar sitja Sigurborg Gísladóttir, Ingólfur Arnarson og systurnar Fjóla og Ingibjörg Kristjánsdætur. Fremst til hægri er Soffía Ingvarsdóttir.
![](/templates/yootheme/cache/82/mynd%2023-5-8289d228.jpeg)
Nr. 23
Ólafur Ragnar Grímsson forseti Íslands og Sigfús Árnason, slökkviliðsstjóri og frumbyggi í Egilsstaðaþorpi, ræðast við á 60 ára afmæli Egilsstaða sumarið 1997.
![](/templates/yootheme/cache/93/mynd%2024-5-93d961f2.jpeg)
Nr. 24
Stefanía Eyjólfsdóttir á Eskifirði í fermingarkjól. Myndin er tekin árið 1953. Þá fermdust stúlkur enn í síðum hvítum kjólum sem fermingarkyrtlarnir leystu síðar af hólmi.
![](/templates/yootheme/cache/18/mynd%2025-4-18cc4474.jpeg)
Nr. 25
Systurnar Ingileif Sveina og Halldóra Andrésdætur frá Fagradal í Vopnafirði. Myndin er tekin í kringum miðja 6. áratug 20. aldar.
![](/templates/yootheme/cache/0b/mynd%2026-4-0b2b0f1c.jpeg)
Nr. 26
Tveir á tali. Stefán Pálsson málari á Egilstöðum og Þorsteinn Snædal bóndi á Skjöldólfsstöðum.
![](/templates/yootheme/cache/72/Mynd%2027-72cc44af.jpeg)
Nr. 27
Þrjár hressar konur af Héraði á skemmtun í Brúarási árið 1997. Björk Sigbjörnsdóttir, Ásgerður Felixdóttir og Birna Sigbjörnsdóttir stilla sér upp fyrir myndatöku.
![](/templates/yootheme/cache/b5/mynd%2028-4-b5268dd7.jpeg)
Nr. 28
Keppendur um titilinn Ungfrú Austurland 1997. Fremri röð: Sandra Ösp Valdimarsdóttir Egilsstöðum og Guðlaug Kristinsdóttir Eskifirði. Aftari röð: Elín Skúladóttir Neskaupstað, Bryndís Jónsdóttir Höfn, Ingibjörg Dögg Kjartansdóttir Egilsstöðum og Þorgerður Þórðardóttir Vopnafirði.