Nýr vefur kominn í loftið
Nýr vefur Héraðsskjalasafns Austfirðinga er nú kominn í loftið. Búast má við hnökrum meðan að verið er að lagfæra ýmis atriði.
Nýi vefurinn byggir á Joomla vefumsjónarkerfinu líkt og gamli vefurinn, en nauðsynlegt var orðið að uppfæra vefkerfið og um leið gera vefinn betur úr garði til birtingar í hinum ýmsu gerðum snjalltækja. Austurnet á Egilsstöðum setti upp nýja vefinn og sá um yfirfærslu gagna í samstarfi við starfsfólk skjalasafnsins.
Við yfirfærslu af gömlum vef yfir á nýjan má alltaf búast við að eitthvað skolist til. Næstu daga og vikur munu reglulega verða teknar rispur í að lagfæra ýmsa smávægilega hnökra og uppfæra efni á vefnum. Við hvetjum þau sem rekast á einhver vandamál á vefnum til að senda okkur tölvupóst á
Við vonumst einnig til þess að geta fljótlega opnað nýjan mynda- og skjalavef sem unnið er að, auk þess sem gert er ráð fyrir að innan skamms geti uppfærð skjalaskrá yfir einkaskjöl í safninu orðið aðgengileg á vefnum, ásamt fleiru.