Stjórnarfundur 20. maí 2021

Stjórnarfundur hjá Héraðsskjalasafni Austfirðinga bs. 20. maí 2021

Fundurinn hófst klukkan 15 og var haldinn í gegnum fjarfundabúnað.

Mætt voru: Anna Margrét Birgisdóttir, Gunnþórunn Ingólfsdóttir, Helgi Bragason og Bára Stefánsdóttir. Anna stjórnaði fundi og Bára ritaði fundargerð. Stefán Bogi Sveinsson verðandi forstöðumaður sat einnig fundinn. Fulltrúi Vopnafjarðarhrepps boðaði forföll.

Dagskrá:

1. Ársreikningur 2020

Drög að ársreikningi lögð fram til umræðu.

Stjórn felur forstöðumanni að halda áfram að vinna að ársreikningi með endurskoðanda.

2. Starfsmannamál

Stefán Bogi kemur til starfa 1. júlí og mun Bára vera forstöðumaður fram að þeim tíma.

3. Önnur mál

Sérverkefni fyrir Múlaþing: Héraðsskjalasafnið mun taka að sér að skrá og varðveita skilaskyld skjöl frá Seyðisfjarðarkaupstað og skjöl sem voru í fórum Tækniminjasafns Austurlands á Seyðisfirði. Skrifað var undir samning um 3,2 millj. kr. greiðslu vegna þessa 19. maí og verður verkið unnið á yfirstandandi ári.

Byggingarnefnd menningarhúsa: Stefán Bogi mun fara á fund nefndarinnar síðar í dag til að ræða framtíðarskipulag í viðbyggingu við burst tvö í Safnahúsi.

Fleira var ekki tekið fyrir og fundi slitið kl. 15:47.

Anna Margrét Birgisdóttir [sign.]
Gunnþórunn Ingólfsdóttir [sign.]
Helgi Bragason [sign.]
Bára Stefánsdóttir [sign.]
Stefán Bogi Sveinsson [sign.]