Stjórnarfundur 12.9. 2011

Stjórnarfundur Héraðsskjalasafnsins 12. september 2011

Fundurinn var símafundur og hófst hann kl. 11:00.
Fundargerð ritaði Hrafnkell Lárusson.

Mætt voru: Ólafur Sigurðsson, Páll Baldursson, Ragnhildur Rós Indriðadóttir, Pétur Sörensson, Ólafur Valgeirsson og Hrafnkell Lárusson.

Formaður setti fund og bauð fundarmenn velkomna.

Dagskrá:

1. Rekstur Héraðsskjalasafnsins á yfirstandandi ári
HL fór yfir helstu atriði rekstraráætlunar safnsins vegna ársins 2011 sem gerð var eftir að tölur vegna reksturs safnsins á fyrri hluta ársins lágu fyrir. Ljóst er að verulegur viðsnúningur verður á rekstrinum frá því sem samþykkt fjárhagsáætlun safnsins fyrir árið 2011 gerði ráð fyrir. Bæði stefnir í að tekjur verði lægri en áætlun gerði ráð fyrir og útgjöld hærri. HL reifaði hugmyndir að sparnaði í rekstrinum.
Málin rædd. Fundarmenn sammála um að lítið svigrúm sé til sparnaðar í rekstri safnsins en ljóst sé að hugsa verði reksturinn upp á nýtt ef framlög sveitarfélaganna til safnsins aukast ekki á næsta ári.

2. Önnur mál
Engin önnur mál.

Fleira ekki tekið fyrir, fundi slitið kl. 11:30.

Ólafur Sigurðsson [sign]
Páll Baldursson [sign]
Ragnhildur Rós Indriðadóttir [sign]
Pétur Sörensson [sign]
Ólafur B. Valgeirsson [sign]
Hrafnkell Lárusson [sign]